Download Anime Naruto Shipuden Subtitle Indonesia

 

79. SURAT AN-NAZI’AT
بِسْمِ اللَّهِ الرَّحْمنِ الرَّحِيمِ Kalayan asma-Na Allah, Nu Maha Murah, Nu Maha Asih
Perhatikeun (bentang-bentang) nu garancang pindahna	وَالنَّازِعَاتِ غَرْقًا (1)
Jeung perhatikeun (bentang-bentang) nu salawasna pipindahan	وَالنَّاشِطَاتِ نَشْطًا (2)
Jeung perhatikeun (bentang-bentang) nu maluter gancang pisan	وَالسَّابِحَاتِ سَبْحًا (3)
Tuluy (bentang-bentang) nu maluter paheula-heula	فَالسَّابِقَاتِ سَبْقًا (4)
Jeung (bentang-bentang) nu dipake ngatur urusan	فَالْمُدَبِّرَاتِ أَمْرًا (5)
(sing inget) poean genjlongna bumi anu kacida tarikna	يَوْمَ تَرْجُفُ الرَّاجِفَةُ (6)
Ditema nu nuturkeunanan	تَتْبَعُهَا الرَّادِفَةُ (7)
Hate (jelema-jelema) poe eta kacida geumpeurna	قُلُوبٌ يَوْمَئِذٍ وَاجِفَةٌ (8)
Panenjona tarungkul alum	أَبْصَارُهَا خَاشِعَةٌ (9)
Maranehna nyarita: “Naha urang rek dibalikeun deui kana kayaan saasal;	يَقُولُونَ أَإِنَّا لَمَرْدُودُونَ فِي الْحَافِرَةِ (10)
Nalika urang geus jadi tulang-taleng nu raremek?”	أَإِذَا كُنَّا عِظَامًا نَخِرَةً (11)
Maranehna nyarita deui:”Ana kitu mah, pangbalikan nu matak rugi.”	قَالُوا تِلْكَ إِذًا كَرَّةٌ خَاسِرَةٌ (12)
Tapi saestuna eta mah jeritan nu ngan sakoceak	فَإِنَّمَا هِيَ زَجْرَةٌ وَاحِدَةٌ (13)
Dadak sakala maranehna aya deui di luhur bumi	فَإِذَا هُمْ بِالسَّاهِرَةِ (14)
Naha kamaneh geus kawartikeun lalakon Musa?	هَلْ أَتَاكَ حَدِيثُ مُوسَى (15)
Nalika Pangerana cumeluk ka manehna di lengkob suci (nu katelah) Thuwa	إِذْ نَادَاهُ رَبُّهُ بِالْوَادِ الْمُقَدَّسِ طُوًى (16)
Jung gera indit maneh ka Fir’aun, lantaran manehna geus murba wisesa	اذْهَبْ إِلَى فِرْعَوْنَ إِنَّهُ طَغَى (17)
Pok caritakeun ka manehna: “Naha andika hayang jadi suci?”	فَقُلْ هَلْ لَكَ إِلَى أَنْ تَزَكَّى (18)
Jeung naha andika daek dituduhkeun ka Pangeran andika sangkan andika aya kasieun?	وَأَهْدِيَكَ إِلَى رَبِّكَ فَتَخْشَى (19)
Tuluy Musa mintonkeun ayat (mujijat) nu gede ka manehna	فَأَرَاهُ الْآيَةَ الْكُبْرَى (20)
Tapi (Fir’aun) ngabohongkeun jeung bahula	فَكَذَّبَ وَعَصَى (21)
Tuluy manehna nukangan, gejlig indit	ثُمَّ أَدْبَرَ يَسْعَى (22)
Ngumpulkeun (rahayatna) sarta susumbar	فَحَشَرَ فَنَادَى (23)
Pokna: “Nya kami pangeran maraneh anu linuhung!.”	فَقَالَ أَنَا رَبُّكُمُ الْأَعْلَى (24)
Ku kituna Allah nyiksa manehna ku siksaan akherat jeung dunya	فَأَخَذَهُ اللَّهُ نَكَالَ الْآخِرَةِ وَالْأُولَى (25)
Saestuna dina perkara eta the jadi pangajaran keur sing saha anu wedi (ku Allah)	إِنَّ فِي ذَلِكَ لَعِبْرَةً لِمَنْ يَخْشَى (26)
Naha maraneh mahluk anu leuwih hese di yugakeunana batan langit, padahal Anjeuna geus ngadegkeunana?	أَأَنْتُمْ أَشَدُّ خَلْقًا أَمِ السَّمَاءُ بَنَاهَا (27)
Anjeuna geus nanjeurkeun adeganana tuluy nyampurnakeunana	رَفَعَ سَمْكَهَا فَسَوَّاهَا (28)
Jeung Anjeuna ngajadikeun poekna peuting jeung caang-ngemprayna beurang	وَأَغْطَشَ لَيْلَهَا وَأَخْرَجَ ضُحَاهَا (29)
Jeung sanggeus kitu, Anjeuna ngamparkeun bumi	وَالْأَرْضَ بَعْدَ ذَلِكَ دَحَاهَا (30)
Jeung tidinya dikaluarkeun caina jeung jujukutanana	أَخْرَجَ مِنْهَا مَاءَهَا وَمَرْعَاهَا (31)
Jeung di jungkirkeun gunung-gunungna	وَالْجِبَالَ أَرْسَاهَا (32)
Keur bekel maraneh katut ingon-ingon maraneh	مَتَاعًا لَكُمْ وَلِأَنْعَامِكُمْ (33)
Nya upama tumiba kaributan nu rongkah	فَإِذَا جَاءَتِ الطَّامَّةُ الْكُبْرَى (34)
Dina poean manusa aringeteun kana sagala anu geus dilampahkeunana	يَوْمَ يَتَذَكَّرُ الْإِنْسَانُ مَا سَعَى (35)
Sarta ditembongkeun naraka pikeun jalma nu hayangeun nenjo	وَبُرِّزَتِ الْجَحِيمُ لِمَنْ يَرَى (36)
Sing saha nu doraka ngaliwatan wates wangen	فَأَمَّا مَنْ طَغَى (37)
Turta ngutamakeun kahirupan dunya	وَآثَرَ الْحَيَاةَ الدُّنْيَا (38)
Saestuna nya Jahannam geusan pangbalikanana	فَإِنَّ الْجَحِيمَ هِيَ الْمَأْوَى (39)
Jeung sing saha nu wedi ku kaluhungan Pangeranna, sarta ngaraksa dirina tina hawa napsu	وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى (40)
Saestuna, nya sawarga geusan pangbalikanana	فَإِنَّ الْجَنَّةَ هِيَ الْمَأْوَى (41)
Maranehna baris nanyakeun ka maneh (Muhammad) iraha bakal kajadianana kiamat	يَسْأَلُونَكَ عَنِ السَّاعَةِ أَيَّانَ مُرْسَاهَا (42)
Kumaha bisana maneh nerangkeunana	فِيمَ أَنْتَ مِنْ ذِكْرَاهَا (43)
Ngan Pangeran maneh, nu uninga pamustunganana	إِلَى رَبِّكَ مُنْتَهَاهَا (44)
Maneh mah ngan tukang ngawawadian jalma-jalma nu sarieuneun (ku kiamat)	إِنَّمَا أَنْتَ مُنْذِرُ مَنْ يَخْشَاهَا (45)
Dina mangsa maranehna nenjo kiamat tea, pangrasana teu kungsi hirup di dunya, anging sapeuting atawa sapoe bae	كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا (46)