Download Anime Naruto Shipuden Subtitle Indonesia

Sumber Ilustrasi: sariksa.com

TRIK1804-Garis badagna mah alam teh aya opat, nya eta 1. alam arwah, 2 alam dunya, 3. alam barzakh, jeung 4 alam aherat.

Alam arwah teh lir ibarat alam proyeksi, upama urang boga niat nyieun imah, ti anggalna keneh geus aya gambaran dina pikiran urang, kumaha model suhunanna, sabaraha kamerna, ka mana nyang hareupna, sabaraha pantona, sabaraha jandelana, jste. Nurutkeun panenjo panon bathin mah eta imah teh geus aya, malah jaman kiwari mah sok aya nu ngawujud gambarna dina keretas, atawa mangrupa maket, wangunan tiruan tilu dimensi dina ukuran leutik. Tapi ieu teh kabeh ge kakarek wujud ghaibah teu acan nepi kana wujud syahadah. Wujud ghaibah sagala mahluk nu bakal lahir ka alam syahadah geus aya di alam arwah.

Alam dunya, alam nyata atawa alam syahadah nu fana nu pasti pinanggih jeung poe panganggeusan nya eta kiamat tea. Alam ieu teh alam amal, salila urang ngumbara di alam dunya urang kudu temen wekel ngumpulkeun pibekelan hirup di alam kalangengan nu tan wande bakal kasorang. Amal urang salila rumingkang di alam ieu nu relatif teu sabaraha lilana bakal ngahasilkeun wawales di alam kalanggengan. Nu hirupna ngaberung ngalajur napsu, ngijing sila bengkok sembah ka Nu Maha Kawasa, cadanganana adzab naraka nu beurat jeung nyeri taya papadana. Sing saha nu sumujud ka Mantenna, bener-bener iman tur ngamalkeun amal soleh, taya cacah taya menak, taya kaya taya miskin, pasti sinelir jadi kadeuheus-Na, dipaparin kani'matan di taman kalangenan nu langgeng taya tungtungna. Kitu mungguh kaadilan Nu Maha Adil, pantrang nanggeuy ti bongkokna, beda jeung kaadilan manusa di alam dunya; nu nyolong endog dibarogod jeung diberok, bangsat gerot nu ngagarogot padaringan ngeunah-ngeunah medah meduh, lain bae aman teu digunasika malah pada ngadama-dama.

Sugri nu rumingkang di pawenangan pasti bakal pinanggih jeung mangsa papisahna raga jeung nyawa, nungtutan marulang ka alam barzakh, nu disebut maot atawa kiamat sughra. Baring supagi, upama geus numbuk di wuku ninggang di mangsa, bakal aya kajadian rong kah luar biasa, bumi muntir dunya genjlong, gunung-gunung pating beledug bararitu, poek mongkleng buta rajin, langit leeh lir perak dilebur. Ieu teh nu disebut kiamat kubra tea.

Naha bener bakal aya kiamat kubra? Nurutkeun tiori para elmuwan nu mangkuk di tebeh kulon, polusi atawa kokotor nu ngebul kaluar tina corong pabrik-pabrik, tina knalpot mobil nu mangjuta-juta, tina jet nu kakalayangan di awang-awang, jste. ngapung terus ngumpul di jomantara tanpa hawa. Beuki lila polusi teh beuki loba terus ngagebleg kandel siga galengan, jadi wates pamisah angkasa lapisan luhur jeung lapisan handap. Balukarna cahaya panonpoe moal bisa nyorot nepi ka marcapada, nu dina pamustunganana nimbulkeun dua kajadian nu tojaiah tapi ngadatangkeun mamala nu sarua: 1. Hawa marcapada bakal tiis luar biasa, akibatna sagala rupa bakal jalengker lir ibarat lauk pach dina lomari es; 2. Lolongkrang hawa beuki lila beuki ngariut kadedetkeun ku galengan polusi, akibatna hawa bakal jadi panas kacida; ku panas-panasna hawa, gunung es nu ngajalegir di kutub kaler jeung kutub kidul bakal leeh jadi gletser nu bakal nimbulkeun banjir rongkah luar biasa, daratan bakal salin rupa jadi sagara, sugri nu masih kumelip bakal pinanggih jeung poe pangang geusan, pating-kerelep diteureuy cai hamo bisa katulungan, sapert kajadian dina jaman Nabi Noh.

Ku ayana tiori elmu saperu kieu, jalma-jalma nu teu iman kana wahyu Ilahi nu nganggap tahayul kana unggeling ayat al-Qur'an, gayeuna mah geus loba nu boga kayakinan yen kiamat kubra teh isuk jaganing geto pasti bukti. Sabada kiamah kubra sakumna ummat manusa parindah ka alam barzakh atawa alam kubur, alam tutunggon nepi ka dihudangkeun dina yaumal-ba'ats. Sakabeh mayit, sanajan ngan tinggal tulang taleng, malah nu geus musna salin rupa jadi taneuh waktu masih di alam dunya, ku pangersa Nu Maha Kawasa engke bakal pating-janggelek mulang ka asal kawas basa masih rumingkang di pawenangan, terus digiringkeun ka alam aherat.

Ceuk saliwat mah asa pamohalan tulang-taleng atawa nu geus jadi taneuh bakal bisa ngajirim deui saperti baheula bihari, tapi lamun urang narjamahkeun ayat tanziliyah atawa ayat al-Qur'an dibarengan ku ayat kauniyah atawa tanda kakawasaan Allah nu nembrak di alam dunya, kajadian kieu teh pasti kahontal ku akal. Contona lamun urang ngagodog cai dina panci dikekeb terus diantep sina ngagolak, cai dina panci teh pasti ngurangan malah bakal leungit taya nu nyesa. Leungit ka mana? Nurutkeun teori elmu mah taya barang nu leungit anging robah rupa salin sifat. Cai teh jadi saab terus ngalayang ka awang awang, ari geus carapeeun ngalalana di jomantara mah baralik deui, plak-plik-pluk ragragan jadi cihujan. Asal cai mulang deui jadi cai. Tah ieu teh ayat kauniyah, tanda kakawasaan Nu Maha Kawasa. Atuh mayit nu geus salin rupa oge naon hesena dipulangkeun deui ka asalna ku Mantenna,

Pek baca ayat tanziliyah bari dibarengan maca ayat kauniyah malar bisa ngabuktikeun kakawasaan jeung kaagungan Nu Maha Agung. Ari alam aherat nya eta alam kalanggengan, jadi moal aya deui alam nu sejen. Alam aherat lain alam usaha ngadu tanaga tapi alam mipit hasil pepelakan di alam dunya. Urang teu kudu cape gawe laat-leet kesang, ngan tinggal ngaguar babawaan sabogana-sabogana. Nu iman tur ngamalkeun amal soleh sawarga hancenganana, nu kafir tur nga berung napsu naraka cadanganana. Kari milih tapi lain engke kudu ayeuna. Lamun hayang ginuluran bagja kamanyangan jadi ka deuheus Pangeran, urang kudu bener-bener iman jeung leket ibadah. Ari hirup ngabadaus biluk ka thaghut mah wayahna kudu tamaha sorangan.

LAYANAN DONASI
Buka Disini