Download Anime Naruto Shipuden Subtitle Indonesia

Kajian Tafsir Quran Surat Al-Baqarah 204
Rabu, 28 September 2022 | Padepokan Pa Oom Solihin

وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ

Jeung diantara manusa aya jalma anu ucapan ngenaan kahirupan dunya matak narik hate anjeun, sarta di sandarkeun ka Allah (ngenaan) eusi hatena, padahal manehna teh anu kacida nangtangna (QS. Al-Baqarah: 204)

As-Saddi nyaritakeun yen ayat ieu diturunkeun ngeunaan Al-Akhnas ibnu Syuraiq As-Saqafi anu dating ka Rasulullah Saw, tuluy nembongkeun kaislamanana, sedengkeun dinu hate leutikna mah justru sabalikana.

Ti Ibnu Abbas disebutkeun yen ayat ieu diturunkeun ngenaan sagolongan jalma-jalma munafek anu nyaritakeun Khubaib jeung baladna anu tiwas di ar-Raji’, jalma-jalma nu munafek ngagogoreng maranehna. Maka Allah nurunkeun dawuhan-Na anu ngahinakeun kana sikep jalma-jalma munafek sarta muji sikep Khubaib jeung baladna, nyaeta:

وَمِنَ النَّاسِ مَنْ يَشْرِي نَفْسَهُ ابْتِغَاءَ مَرْضَاةِ اللَّهِ

Jeung di antara manusa aya jalma anu ngorbankeun dirina pikeun neangan ridha Allah. (Al-Baqarah: 207)

Nurutkeun pendapat anu sejena, ayat ieu ngandung hinaan ka sakabeh jalma munafek, sarta ngandung pujian pikeun sakabeh kaum Muslimin. Pendapat ieu disebutkeun ku Qatadah, Mujahid, Ar-Rabi' ibnu Anas sarta nu lainna; pendapat ieu anu sahih.

وَيُشْهِدُ اللَّهَ عَلَى مَا فِي قَلْبِهِ

sarta di sandarkeun ka Allah (ngenaan) eusi hatena. (Al-Baqarah: 204)

إِذا جاءَكَ الْمُنافِقُونَ قالُوا نَشْهَدُ إِنَّكَ لَرَسُولُ اللَّهِ وَاللَّهُ يَعْلَمُ إِنَّكَ لَرَسُولُهُ وَاللَّهُ يَشْهَدُ إِنَّ الْمُنافِقِينَ لَكاذِبُونَ

Saumpama dating jalma-jalma munafek dating ka anjeun, maranehna nyarita: Kuring sararea bener-bener ngaku yen saenyana anjeun teh utusan Allah.” Sareng Allah maha uninga yen anjeun teh bener-bener Utusan-Na; sareng Allah maha uninga yen saenyana jalma-jalma munafeh eta bener-bener tukang bohong. (Al-Munafiqun: 1)

الْأَعْوَجُ وَتُنْذِرَ بِهِ قَوْماً لُدًّا

Jeung sangkan anjeun mere paringatan ku eta hal ka kaom anu ngabangkang. (Maryam: 97)

Rasulullah Saw. sasauran:

«آيَةُ الْمُنَافِقِ ثَلَاثٌ: إِذَا حَدَّثَ كَذَبَ، وَإِذَا عَاهَدَ غَدَرَ، وَإِذَا خَاصَمَ فَجَرَ»

Tanda jalma munafek eta aya tilu: upama nyarita, bohong; upama jangji, ingkar; jeung upama sengketa, licik.

قَالَ الْبُخَارِيُّ: حَدَّثَنَا قَبيصةُ، حَدَّثَنَا سُفْيَانُ، عَنِ ابْنِ جُرَيج، عَنِ ابْنِ أَبِي مُلَيْكة، عَنْ عَائِشَةَ تَرْفَعُه قَالَ: "أَبْغَضُ الرِّجَالِ إِلَى اللَّهِ الألَدُّ الخَصم"

Imam Bukhari cumarios, parantos nyarios ka abdi sadaya Qubaisah, parantos nyarios ka abdi sadaya Sufyan, ti Ibnu Juraij, ti Ibnu Abu Mulaikah, ti Siti Aisyah kalayan predikat marfu', nyaeta: Saestuna lalaki anu paling dibendu ku Allah nyaeta anu paling nangtang pisan.

قَالَ: وَقَالَ عَبْدُ اللَّهِ بْنُ يَزِيدَ: حَدَّثَنَا سُفْيَانُ، حَدَّثَنِي ابْنُ جُرَيْجٍ، عَنِ ابْنِ أَبِي مُلَيكة، عَنْ عَائِشَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ قال: "إن أَبْغَضَ الرِّجَالِ إِلَى اللَّهِ الْأَلَدُّ الْخَصِمُ"

Imam Bukhari cumarios yen Abdullah ibnu Yazid nyarios, parantos nyarios ka abdi sadaya Sufyan, parantos nyarios ka abdi sadaya Ibnu Juraij, dari Ibnu Abu Mulaikah, dari Siti Aisyah, ti Nabi Saw. sasauran: Saestuna lalaki anu paling dibendu ku Allah nyaeta anu paling nangtang pisan.

عَنْ مَعْمَر فِي قَوْلِهِ: {وَهُوَ أَلَدُّ الْخِصَامِ} عَنِ ابْنِ جُرَيْجٍ، عَنِ ابْنِ أَبِي مُلَيْكَةَ، عَنْ عَائِشَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: "إِنَّ أَبْغَضَ الرجال إلى الله الألد الخصم"

Ti Ma'mar sahubungan sareng makna dawuhan-Na: padahal manehna anu paling nangtang. (Al-Baqarah: 204) ti Ibnu Juraij, ti Ibnu Abu Mulaikah, ti Siti Aisyah, ti Nabi Saw. Anjeuna sasauran: Saestuna lalaki anu paling dibendu ku Allah nyaeta anu paling nangtang pisan. (HR. Abdur Razzaq)