Download Anime Naruto Shipuden Subtitle Indonesia

Kajian Tafsir Quran
Rabu, 12 Oktober 2022
Padepokan Pa Oom Solihin
Nyieun Karuksakan, Mangrupa Ciri Jalma Anu Munafek

وَإِذَا تَوَلَّى سَعَى فِي الأرْضِ لِيُفْسِدَ فِيهَا وَيُهْلِكَ الْحَرْثَ وَالنَّسْلَ وَاللَّهُ لَا يُحِبُّ الْفَسَادَ

Jeung umpama manehna ngabalieur (ti anjeun) manehna leupang di bumi pikeun nyieun karuksakan didinya, sarta ngaruksak pepelakan jeung ingon-ingon, sareng Allah teu mikaresep kabinasaan. (Al-Baqarah: 205)

Tegesna yen manehna teh, jalma anu ucapana nyimpang jeung pagaweanana jahat. Nu kahiji nyaeta ucapana, sedengkeun anu disebutkeun dina ieu ayat patula-patali jeung lacuna. Yakni ucapanana teu lepas tina bohong, sarta kayakinana ruksak, sakabeh lakuna oge teu lepas tina jalan anu salah.

As-sa'yu dina ieu ayat samakna jeung lafaz al-qasdu (tujuan), sakuamaha anu disebutkeun dina ayat sejen anu nyaritakeun ngenaan Fir'aun:

ثُمَّ أَدْبَرَ يَسْعَى 22 فَحَشَرَ فَنَادَى 23 فَقَالَ أَنَا رَبُّكُمُ الأعْلَى 24 فَأَخَذَهُ اللَّهُ نَكَالَ الآخِرَةِ وَالأولَى 25 إِنَّ فِي ذَلِكَ لَعِبْرَةً لِمَنْ يَخْشَى 26

Tuluy manehna ngabalieur bangun anu nangtang (Musa). Maka manehna ngumpulekun (gegeden-gegeden), tuluy ngagero kaumna kucaritaan, "Kaula pangeran anu maha luhung." Maka Allah ngazab manehna ku azab di akhirat sarta azab di dunya. Saestuna hal eta ngandung pangajaran pikeun jalma anu wedi (ku Pangerana. (An-Nazi'at: 22-26)

يَا أَيُّهَا الَّذِينَ آمَنُوا إِذا نُودِيَ لِلصَّلاةِ مِنْ يَوْمِ الْجُمُعَةِ فَاسْعَوْا إِلى ذِكْرِ اللَّهِ

Hei jalma-jalma anu airman, upama digero aranjeun pikeun shalat dina poe Jum’at, maka gancang-gancang gera dzikir ka Allah. (Al-Jumu'ah: 9)

Yakni buru-buru aranjeun indit ka tempat shalat Jum’at, sabab sa’yu ngandung arti jigjrig nuju ka tempat shalat. Kecap ieu pagedrug sareng sunnah Nabi Saw. Anjeuna sasauran:

"إِذَا أَتَيْتُمُ الصَّلَاةَ فَلَا تَأْتُوهَا وَأَنْتُمْ تَسْعَوْن، وَأْتُوهَا وَعَلَيْكُمُ السكينةُ وَالْوَقَارُ".

Upama aranjeun ngadatangan shalat, poma aranjeun ulah dating ku cara jigjrig, tapi prak dating ku lengkah anu santei sarta anggun.

Jalma anu munafek anu disebutkeun dina ayat ieu (Al-Baqarah: 205) nyaeta jalma munafek anu gawena saukur nyieun karuksakan di ieu bumi sarta ngaruksak pepelakan (sawah, kebon-kebon, oge ingon-ingon anu jadi kabutuhan anu pokok pikeun manusa.

Mujahid nyarita, "Upama kajadian jalma ngaruksak di ieu bumi, ku cara Allah mendet turuna hujan, maka bakal tumpur pepelakan jeung ingon-ingon." Sareng Allah teu mikaresep kabinasaan. (Al-Baqarah: 205) Artina, Allah teu mikaresep kana sifat jalma anu sok nyieun karuksakan, sarta jalma anu sok nyieun karuksakan.