Download Anime Naruto Shipuden Subtitle Indonesia

بِسْمِ اللَّهِ الرَّحْمَنِ الرَّحِيمِ

Kalayan asma-Na Allah, Nu Maha Murah, Nu Maha Asih.

إِذَا السَّمَاءُ انْفَطَرَتْ (1)

Upama langit geus bareulah.

وَإِذَا الْكَوَاكِبُ انْتَثَرَتْ (2)

Jeung upama bentang-bentang geus muruluk.

وَإِذَا الْبِحَارُ فُجِّرَتْ (3)

Jeung upama laut geus mudal.

وَإِذَا الْقُبُورُ بُعْثِرَتْ (4)

Jeung upama pangesusi kubur geus dibudalkeun.

عَلِمَتْ نَفْسٌ مَا قَدَّمَتْ وَأَخَّرَتْ (5)

Saban jiwa baris nyaho kana anu geus di lampahkeun jeung ditinggalkeun.

يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ (6)

Yeuh manusa! naon anu geus macikeuh maneh (pangna nepi ka wangkelang) ka Paneran maneh nu Maha Mulya.

الَّذِي خَلَقَكَ فَسَوَّاكَ فَعَدَلَكَ (7)

Anu geus ngayugakeun maneh sarta anu geus nyampurnakeun mapantes dedeg-pangadeg maneh.

فِي أَيِّ صُورَةٍ مَا شَاءَ رَكَّبَكَ (8)

Dina rupa kumaha wae oge Anjeuna kawasa nyusun dedeg pangadeg maneh.

كَلَّا بَلْ تُكَذِّبُونَ بِالدِّينِ (9)  

Lain ngan kitu wungkul! Malah maraneh ngabohongkeun kana ayana poe wawales.

وَإِنَّ عَلَيْكُمْ لَحَافِظِينَ (10)

Padahal saestuna pikeun  maraneh aya (Malaikat-malaikat) nu ngajaga.

كِرَامًا كَاتِبِينَ (11)

(Malaikat-malaikat) nu mulya, nu naruliskeun (amal maraneh).

يَعْلَمُونَ مَا تَفْعَلُونَ (12)

Anu nyarahoeun kana saniskara nu dilampahkeun ku maraneh.

 إِنَّ الْأَبْرارَ لَفِي نَعِيمٍ (13)

Saestuna jelema-jelema nu balageur pasti aya dina kani’matan.

وَإِنَّ الْفُجَّارَ لَفِي جَحِيمٍ (14)

Jeung saestuna jalma-jalma anu jarahat pasti aya dina Naraka Jahim.

يَصْلَوْنَها يَوْمَ الدِّينِ (15)

Maranehna baris arasup ka dinya dina poe wawales.

وَما هُمْ عَنْها بِغائِبِينَ (16)

Sarta maranehna moal bias luput deui ti dinya.

وَما أَدْراكَ مَا يَوْمُ الدِّينِ (17)

Jeung naha maneh nyaho naon anu disebut poe wawales?

 ثُمَّ مَا أَدْراكَ مَا يَوْمُ الدِّينِ (18)

Tuluy naha maneh nyaho naon anu disebut poe wawales?Tuluy 

يَوْمَ لَا تَمْلِكُ نَفْسٌ لِنَفْسٍ شَيْئاً وَالْأَمْرُ يَوْمَئِذٍ لِلَّهِ (19)

Poean nalika saha bae oge taya anu bisa nulungan ka saha-saha saeutik oge; jeung sagala perkara dina poe eta teh kagungan Allah.

Sumber : Al-Amin, Al-Quran Tarjamah Sunda